🧠 ما تصدقش كل بوست!
ما تصدقش كل بوست!
أحمد مختار – 2-7-2025"يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ"
– سورة الحجرات، الآية 6
في أيامنا دي، السوشيال ميديا بقت مليانة أخبار كتير جدًا… بس الكارثة إن نصها أو أكتر مش صح!
يعني تلاقي بوست بيقولك: "بنت مصرية كسرت الدنيا وخدت المركز الأول في جامعة هارفارد"، أو "مصر خلاص هتعلن إفلاسها الأسبوع الجاي"، وتلاقي آلاف بيعملوا لايك وشير، وكل ده من غير ما حد يسأل: هو الكلام ده حقيقي؟
مصدر الخبر الإيجابي المفبرك – فيسبوك صفحة الأسعار في مصر نفي الشائعة السلبية – وزارة المالية المصريةاللي بيحصل إن بعض الناس بتنشر الأخبار دي بحسن نية، فرحانين بإنجاز أو قلقانين على البلد…
بس النتيجة واحدة:
ناس بتفرح على حاجة مش حصلت، وناس بتخاف من حاجة مش حتحصل!
وده مع الوقت بيعمل حاجة أخطر:
بيخلّي الناس تفقد الثقة في كل حاجة… لا بيصدقوا الإعلام، ولا الحكومة، ولا حتى بعضهم بعض.
وعشان كده، مهم جدًا نسأل نفسنا قبل ما نضغط "مشاركة":الخبر ده جاي منين؟
مين اللي قاله؟
في مصدر موثوق وراه؟
في حد كذّبه أو نفاه؟
لو عايز تتأكد من أي خبر، فيه مواقع محترمة تقدر تساعدك:
فتبينوا AFP بالعربي Google Fact Check Explorer
ولو سمحت، لو شفت حد من صحابك بينشر أخبار غلط، ما تسكتش…كلمه، وقوله يتحقق الأول. لأنك كده بتساعده وبتساعد غيرك.
لازم نعرف إن الكلمة ليها تأثير…
ممكن ترفع بلد، وممكن تهدها.
وكل بوست مش حقيقي بنشاركه، إحنا بنشارك في الهدم مش البناء.
المصادر:فيسبوك – 2 يوليو 2025
وزارة المالية المصرية – بيان رسمي 2024
مواقع التحقق: متصدقش، فتبينوا، مسبار، AFP، Google
https://al-muthaqqaf-2024.blogspot.com/2025/07/blog-post_3.html
ماتنساش تعمل لايك لو استفدت، وشارك المقال مع أصحابك… 
وصلّي على النبي ﷺ
تعليقات
إرسال تعليق
مرحبا بكم