ولو كنت وحدك

ولو كنت وحدك

المثقف – أحمد مختار
القاهرة، السبت، 8 يونيو 2025

فيه لحظات بتحس فيها إنك واقف لوحدك...
مش لأنك غلط، لكن لأنك اخترت تقف في صف ناس كتير بتخاف تقف فيه.
الصف اللي بيقول: "أنا مع بلدي… حتى لو الناس كلها ضدي".

حواليك ناس كتير:
ناس شايلة أفكار إخوان…
ناس غضبانة طول الوقت من غير ما تقدّم حلول…
ناس بتشوف كل إنجاز تزويق، وكل تضحية استثمار سياسي.
ناس بتفتّش في نيتك، بس علشان مؤمن إن البلد بتحاول.

لكن أنا مش ندمان… ومش هسكت.

أنا واخد موقفي عن وعي، مش من فراغ.
أنا بتكلم وأخاطب اللي بيسمع… اللي بيفكر… اللي عايز يفهم.
أما اللي قفل قلبه وعقله، فـ الله يهديه وينوّر بصيرته.

أنا ما وصلت لتلك القناعة النهاردة…
دي خلاصة سنين من الصراع الفكري والنفسي، واحتكاك مباشر بكل التيارات والأفكار.
ومن عشر سنين خدت قراري:
أن أنصر وطني ويشتموني… خير لي من أن أهاجم وطني ويمدحوني.

قال الإمام أحمد بن حنبل:

"عليك بلزوم السنة، فإنك أنت الجماعة ولو كنت وحدك."

وأنا بقولها بكل وضوح:
أنا الجماعة… لأني شايف النور، ومؤمن بانتصار البلد رغم الغلاء والمعاناة والحروب والحصار الاقتصادي. ومحاولة البعض تقزيم مصر

أنا الجماعة… لأني مع الحق، مش مع القطيع
أنا الجماعة… حتى لو بقيت وحدي.

ومش هقبل العزل، ولا الاغتيال المعنوي، ولا التشويه اللي بيطلع من نفوس مريضة وقلوب حاقدة مش فاهمة ولا عايزة تفهم.
أنا هجومي هو الكلمة… سلاحي هو الوعي… ومكاني في الصفوف الأمامية، مش في الزوايا الخلفية .

وفي النهاية…
حفظ الله مصر، وجعلها أمة عظيمة بين الأمم.

#أنا_الجماعة

#الوطنية_مش_تهمة

#ضد_الاغتيال_المعنوي

#مصر_مشروع_وعي

#المثقف

🔗 الروابط الرسمية:

المدونة: https://al-muthaqqaf-2024.blogspot.com/2025/05/blog-post_31.html

فيسبوك الشخصي: https://www.facebook.com/ahmed.mokhtar.979031

الصفحة العامة: https://www.facebook.com/profile.php?id=100088498234129

قناة يوتيوب: https://www.youtube.com/@AhmedMokhtar2024